Toutes les photos du FestiVous 2011 par la photographe Roxane Petitier sur
http://www.mesmirettes.com/FestiVous/festivous2011.aspx
Discours d’inauguration du FestiVous2011 par Jean-Luc Domenge, parrain de la manifestation
Publié 24 octobre 2011 dans Non classé 0 CommentairesDiscours d’inauguration du FestiVous 2011
par Jean-Luc Domenge, parrain de la manifestation.
Bouonjourn en tous e à la coumpagniὸ,
Siéu ja tres cὸups pairi’, dihoun que mi siéu leva lou diau de sus l’eschino ma es lou premier cὸup que siéu pairi’ d’un festival. Alouro, coumo sàbou gaire ce que chal faire ou dire, vourriéu vous parlar pèr coumençar un pὸu d’Ilonso lèi la lengo das Chats. Es pèr acὸ qu’ai piha lou papier, pèr faire « chic » e pèr fa vèire qu’ai bèn trabaia. Remerciéu d’à segur bembé mas magistressos e mous magistres dai pèis que m’an empara despi dous ans que si counouissèn sa bello lengo que m’an fida sous mots lèi de bellos journaus de trabai e de fourro de rire.
Que sejés vengus de la Boulineto pèr la valau de la Tiniὸ ou coumo iéu pèr Pièrlos e lou couol de Sino, arribas rè eici pèr asart. N’i a que si pourrion crèire que sièn eici ai bout dai mounde, si troumpon bembè, sièn rè eici ai bout de quarcarè, ma sièn ai coumençament de quarcarè. Sièn lèis un pèis à la crousau das chamins. Si chal enavisar qu’un viage s’en puavon toujourn pèr las crèstos, en plaço de sèguer la ribiero, mocὸ fa qu’Ilonso es uno sentinello pavau subre soun brec, regardiant la Boulino, Mariὸ, Clans, ma entretenènt magaro enca mai de liams embé Tièri, Pièrlos e Liéucho, lèi lou Chans e lou Var. Ce qu’estouno lou mai en venènt eici es de li troubar de gènts tant avenènts, puro an agu la routo qu’en 1949.
Pèr sa situacὶou, entra lou aut e lou bas, lou mounde d’eici an toujourn cala à-z-Ais, Marseio, Aubagno, pi à Niço e eiçὸ bèn enant que aguèsson la routo. Es qu’es aquel puὸ-calo tra vilo e vilage ou es qu’es perqué lou tourisme es rèn vengu e a rèn gasta, toujourn es qu’es un pèis dubert as autres, e en meme temp bembè estacha à sas terros oiro encultos.
Meme se las terros soun plus semenaus de blad, meme se lous peïsans an abandouna dais e magais, meme se de pastres n’i a plus gaire, es pèr iéu un pèis magic que l’espàci de quàrcu meses saup enca viéure en gardant lou pu bouὸ de nouostro civilisacὶou : lou partage, l’amitiè, lou sèns de la fèsto facho emé rè o pas grand cauvo, fèsto bèn simboulisau pèr la mourro, aquel juec à gratis que demando que la ma’ e la vous. Lèis aquelo lengo d’Ilonso que prὸvou de parlar encuei si ve bè lous arquaïsmes vengus tout drech de l’age mejan e si sènte la mesclo armouniouὸ entra las influènços prouvençalos e nissardos, piemountesos e alpinos. Bèl pouost dounco pèr s’alegrar dins nouostro lengo que siojo d’aquinaval o de damou’, que li dijon patouas, gavouot o oucitan, nissart o nosto modo, avèn aqui tres journs pèr si retroubar entra nautres sènso coumplicacὶou pèr la parlar, la chantar, la criar e pèr fa fèsto. Es acὸ d’à segur que si pantaijavo Pascal quouro a vourgu faire soun premier FestiVous.
Ma festiVous que vouol dire ?
Créu que lou FestiVous es premierament uno festὸ à dimensὶou umano doun cadu’ pouol escoutar, aprouchar, counouisse l’autre, si faire d’amics e acὸ sènso Internet ! Es la fèsto pèr vous, es la fèsto pèr vautres que gardo la memo idèio que la plancardo qu’estachavon lèi lou temp à l’entrau de vilo pèr lou festi’ :
« Honneur aux étrangers !»
Lou preverbi de Tiniὸ es bèn bèstio e faus que dis :
« A Mariὸ cadu’si ri, à Valdeblouro cadu’ si plouro, à Ilonso, valon pas ‘na ronço ! »
Ai countràri, en Ilonso, luegn dai brounzo-cul de la mar, dai marina e dai casino, lous Chats sabon enca recéure à biais e simplament l’estrangier que vènge de decaire o de pu luegn. Aven aqui de roumanesc, « Şi vorbesc si eu românesc » e pouὸlou vous dire que pèr iéu parlar, emparar lou roumanesc es agu coumo emparar lou patouas d’uno autro valau vesino. Lou latins soun tous fraires.
Ma lèi FestiVous lou juec de mot countùnio e es pi lou festi’ de la vous. Vous chantau das chantaires, vous parlau pèr charriero, das countaires, de lei troupos de tiatre, vous bramassiau de la mourro e dai criaire Patric, vous de la Prouvènço, de Niço e de la mountagno de cada caire de las frountieros. Li a un miracle lèi cen que vivèn eici despi tres ans que si pouol rè bèn esplicar, e chal rè l’esplicar.
Se li regardian d’en pὸu proche, la bouono part d’aquel miracle es deguὸ à l’aimo d’aquestos journaus, lou pensaire de tout acὸ, Pascal Couleto, que sabèn tous eici sa passὶou e sa voio, ma, es ben entoura e a semena sas idèios e sa passὶou sus un terré bèn fema e laura. Li aguèsso rè agu de mounde pèr lou sèguer e l’ajuar, rè si seriὸ pouscu faire. Si pouol faire darrè soulet e ce qu’anan viéure lou devèn à touto sa chirmo d’amics ilounsencs e mourraires, à la coumuno, à la poupulacὶou dai pouost que tres journs de reloge nous permeton de viéure aquélous mouments de fèstos simplo e autentico dins lou plus bèl e lou plus viéu vilage de Tiniὸ. Car lou miracle es arrèi aquelo jouventuro que noui fa pantaijar que tout es rè perdu.
Encuei Ilonso es un pὸu l’amourὶgou, lou cèntre de la culturo nissardo e gavouoto. Es uno evidènço que li revendren l’an que vè que lou preverbi dis :
« Qu vèn en Ilonso un journ, li revendra toujourn »
Lou bambi’ FestiVous a ja tres ans, chamino e si desbrouio d’à soulet, ma soun pairi’ li vouol bè a bèn l’idèio de l’acoumpagnarenca’na bando d’ans.
Pèr lou tresième FestiVous que si souone la Vivo !
Jean-Luc Domenge
FestiVous à Ilonse les 19, 20, 21 août 2011 : l’affiche
Publié 8 juillet 2011 dans Non classé 0 Commentaires
Li Bastian Countrari : Ils seront au FestiVous le samedi 20 août
Publié 2 juillet 2011 dans Non classé 0 Commentaires
LA RODA VIRA
Après le succès de VIDA D’AQUI, Li Bastian Countrari présentent LA RODA VIRA
Résumé de LA RODA VIRA :
Trenta an si soun debanat, Lindou s’en es pas vargut de gardà lu ben reçauput après la mouòrt de barba Choa… Beppin es devengut magistre; Toina a fach la guerra de 14 e n’es revengut blessat. La tanta Choisa que a mai de nouranta an, es de mai en mai racha e noun vòu dounà de sòu à Titin, lou siéu enfant, per que souinesse la siéu frema. Eu, dòu còu, li cau vendre en escoundilhoun de sa maire la plana de Choa. Ma Toina, lou saupent, si pensa ben mountà un còu…
Pauletou, lou caganchou de la coubla, noun sau couma dire à soun paire que es amourous perque la siéu calignera, Chesca, es pimountesa… Que malur…
30 ans après, Lindou n’a pas su conserver le patrimoine reçu en héritage….. Beppin est devenu instituteur ; Toina a fait la guerre et en est revenu blessé. La tanta Choisa, qui a passé les 90 ans, est de plus en plus pingre et refuse de donner l’argent à son fils Titin pour faire soigner la femme de ce dernier. Celui-ci se trouve contraint de vendre en cachette de sa mère la plaine de Barba Choua. Mais Toina, l’apprenant, espère bien faire un coup…
Pauletou, le Benjamin du couple ne sait pas comment annoncer sa relation amoureuse à son père car Chesca, sa dulcinée, est Piémontaise….. Catastrophe….
Avec
Toina Le mari Frédéric Bellanger (Auteur, Metteur en scène)
Nina La femme Nathalie Bailet
Choisa La vieille voisine Jacqueline Bailet-David
Doun Lando Le curé Roland Righi
Beppin Le fils ainé Fred Bailet
Pauletou Le Benjamin Pierre Tomasoni
Titin Le fils de Choisa François Gasiglia
Bertou Le paysan Pierre Pelleran
Chesca La fille du Piémontais Caroline Giauffret
Lou Medicou Le médecin Alain Gasiglia,
Mestre Ribaudi Le Notaire Alain Gasiglia
Toineta La fille de Beppin Coralie ou Chloé
Commentaires récents