Jea-Pierre Belmon raconte FestiVous

31 août 2012

Non classé

FESTIVOUS 2012/ La nuech d’Ilonso

Août 27, 2012 · par · dans Au jour le jour

 LA NUECH D’ILONSO

La nuech tebe cracina de grilhets dins leis erbas autas. Amont, leis estelas m’encapitelan. Ai quitat la susor de la festa, la poussa que levan lei pas dei dansaires, lo perfum de cervesas vuejadas e lei bramadissas au pontin onte quauquei moraires pican sus lo taulier. Dins l’escur de l’escalinada, m’en siau puat devers cap-mont. La figura negra de la glèisa, barris de l’ancian castèu e pièi lo pichin campe sant. Lei morts tamben participan de la festa. Siau segur que se chalan d’aquela musica qu’arriba a boffes dau festin. Rauba capèu mena son trin endemoniat.

Sota de la luganha, m’avaste au mitan dei rocas blancas fins a l’amirador. Tot en bas, lei lumes de Clans e de Maria. Pièi drech davant, lei lampadaris de Rimplas e au trefons de la Vau de Blora, la Bolina que sei lumes trantalhan coma lei que nos arriban de luenchas galaxias. La mapa dau cèu s’es pausada sus la montanha blanca que nos espincha d’eiçamont. M’asseto subre la peira cauda. Ni fum de fen que seca, nimai de vacas com’autrei temps. Solament la nuech ilonsenca d’erbas secas e bessai de tilhou, arribe pas de devinar ço que s’enaira de la terra dura.

Lo païs parla a la chut-chut dins l’aurelha d’aqueu que lo vou entendre. La majer part n’es pas conscienta, incapable d’esplicar ço que buta a durbir a brand lei portas dau païs e comuniar a la messa de la lenga. En Ilonso, de monte que venguesson, dins un moment de fragila alquimia, se fondan lo temps d’una esluciada dins aquel paisatge solombros e participan au Cant dau monde. Sofis, son plus qu’un grum de poussa dau grand tot.

Alor, darrier balètis e correntas, au trefons d’un pote de bros o dins l’ultima cant d’un chocaton, just avant que bluieja lo levant, se leva una musica celestiala que trauca, temps en temps, lo siblet d’un pastre que sort sei bestias o lo chot d’un duganel eilamont devers lo pas de Sina. Una campana dinda d’en Tinho. Tot’ara, la lutz escafarà lei peadas que laisseran lei fadas a l’entorn dau païs. La testa plena dau bosin de la festa, bèurem lo cafè amar, estonat qu’un an encara, l’alquimia aguesse foncionat. Mai n’en parlem en degun de paur que nos prenguessan per de jobis. Gardem au cros de noste cor lo secret de la magia d’Ilonso e dins lei marrits moments que la vida nos serva, se pensarem que lèu tornarà la nuech ilonsenca.

18 d’ost de 2012

 

http://faydit.wordpress.com/2012/08/27/festivous-2012-la-nuech-dilonso/

, , , , , ,

Pas encore de commentaire.

Laisser un commentaire

ah les peintures de flo |
LE M.U.R. DE L'ART |
Ciel Pastel |
Unblog.fr | Créer un blog | Annuaire | Signaler un abus | joemasse
| Collectif Maquis'Arts &...
| hertzlocationdevoitures